Feel So Good

Энэ дууг сонсохоор өөрийн эрхгүй сайхан ааштай дээрээ тавимаар, "баяр төрөөд" байх юм. Угаасаа өнөөдөр баясах шалтгаан олон бгаа лдөө. Ажил 3-аас тарна, орой "Цөмөөхэй" үзнэ, маргаашнаас эхлээд 15 хоног амарна, гоё шавайгаа ханатал унтана, иднэ ууна, дэлгүүр хэснэ :р

Охин Санта өвөөд захиа бичсэн байлээ. "Та надад зургаа үлдээгээрэй. Бас мэссэж бичиж үлдээгээрэй. Намайг том хүн болсон ч алга болж болохгүй шүү. Манай ээжийн хүсэл нь Be happy гэсэн. Тэрийг бас биелүүлээрэй. "

Сая Сантагаас ирсэн хариуг нь бичиж хэвлэв. Одоо миний гарын үсгийг таних тул гараар бичиж болохгүй болсоон.

Зөндөө их уйлж, шантарч, ядарч туйлддаг ч гэсэн, зөндөө их баярлаж догдолж, инээд хөөр цалгидаг болохоор нь амьдрал чамд хайртай шүү :)

2014 оноо дүгнэхүй...

Он дуусах дөхлөө дөө.

Оддын доор арван хоёрдугаар сар гарлаа!

Орчлон дээр ингээд л бүтэн жил

Оргилуун дарс шиг асгараад гүйцлээ.

Ахиад нэг жил, хоёр гурван жил,

Арав хорин жил, гучин жил,

Амсхийх ч завгүй жаран жил…

Амьдрал баяртай!

Үсэн дээрээс минь цасан ширхэг

Өвлийн шувууд шиг нисэлдсээр,

Үзэсгэлэнт хүйтэн оддыг зорино.

Үүрд мөнх насалсан ч уйдахааргүй

Үнэхээр сайхан байлаа.

Жил бүрийн өдийд ахин дахин уншсан ч уйдахааргүй гоё мөртүүд шүү.

Юу ч гэсэн гарчиг...

ямар нэгэн зүйл бичмээр байгаа хэрнээ яг юу бичихээ мэдэхгүй байх.

Тээээээээр жилийн хавар, гөө мөн их цас орж билээ...гээл хожим дурсах байх даа. Дурлал, догдлол, дурсамж бүхнийг энэ цас бүр ч тодоор сэтгэлд сийлэн үлдээх нь дамжиггүй... Цас хаялахаар яагаад үлгэрийн мэт санагддаг юм бол. Ойрын хэд хоног зөндөө орсон хэрнээ ерөөсөө уйдахгүйн. Тэнгэрт төрөөд газар буун хайлтлаа ахархан боловч үзэсгэлэн төгөлдөр амьдрах юм даа цасан ширхэгнүүд...

Цас & Überraschung

Өглөө босоод гайхсандаа зог туссан. Хэн нэгний надад зориулж бэлдсэн сюрприз мэт. Хөвөн цагаан цас нэвсийтлээ орчихсон, дээрээс нь бас нэмж будраад л... Үнэн чика гоё байсан. Сэтгэл гэдэг чинь сэвсийгээд гэгэлзээд... Сюрпризэнд дуртай, цасанд дуртай, сэтгэл хөдлөхдөө амархан хүн шүү дээ би :)

ЦАС
Хэд хоногийн өмнө бас өдөржин цас орлоо доо. Маргааш нь энэ шүлгийг олж уншсан. Болоод өнгөрсөн хойно нь уншчихлаа гээд харамсаад байсын ккк. Ашгүй дахиад л цас орж, надад армаанчиглах боломж олдлоо. Цасан ширхэг нүүрэн дээр зөөлөн буух гудамжаар алхангаа, зөрөн өнгөрөх танихгүй залууд энэ шүлгийг харцаараа уншиж өгнөө :р

ТАНИХГҮЙ БҮСГҮЙД ...

Хаврын сүүлийн цаснаар
Анхны болзоонд зогсохуу?
Хамгийн сайхан уруулыг
Хаврын цастай амтлах уу?
Хайлан хайлан хаялах
Цасны ширхэгт норон
Хайрлан хайрлан үнсэх
Уруулын баланд согтох уу?
Хүйтэн ч биш дулаан ч биш энэ л өдөр
Хүслээ дагаад чам дээр би очих уу?
Хүний ч биш минийх ч биш чиний л өмнө
Хүслээ хэлбэл намайг үнсэх үү?
Хайрлах ч биш харамлах ч биш энэ л өдөр
Халуун илчээ хоёул солилцох уу?
Хайрласан ч биш хагацсан ч биш энэ учралаа
Хаврын дурсамж болгоод хуваагаад цүнхлэх үү?

Б.МӨНХ-ОРГИЛ
2014.04.17 -нд

Überraschung
Überraschung гэж германаар сюрприз гэжуган. Бага балчир насандаа энэ хэлийг сурахыг оролдож байгаад хаясан ч, дуудлаганд нь утганд нь дуртай болохоороо санаж үлдсэн цөөн үгний нэг.

Facebook-ээс ийм бичлэг олж үзлээ. Sir Anthony Hopkins-ийг мундаг жүжигчин гэж мэддэг байснаас Английн хатан хаанаас хэргэм зэрэг авсныг нь, бас ийм мундаг хөгжмийн мэдлэгтэйг нь огт мэддэггүй байжээ.
( Мэддэг, мэдлэгтэй, мэддэггүй нэг өгүүлбэрт 3 удаа МЭД давтагджээ :D )

Юутай ч бас нэг гоё сюрприз байлаа. Амьдрал юутай сайхан юм дээ гэж дуу алдмаар, тийм л гоё мэдрэмж төрж байна :)

Post by Люблю КИНО.

https://www.facebook.com/photo.php?v=656937684343747

Эмгэнэл илэрхийлье

Хөөрхий бяцхан хүүхдүүдийг бодохоор л өрөвдөөд гол шимшрээд байх юм.
Ид цэцэглэж, амьдралын амт шимтийг мэдрэх гэж явсан арван хэдхэнтэй өсвөр насны охид хөвгүүд.
Удахгүй ахлах ангиа төгсөж их сургуульд шалгалт өгнө гээд л хичээлээр нүдүүлдэг нас. Тэгээд ганц зугаалах гэж яваад бөөнөөрөө ийм аймшигтай юм болчихдог. Саяхан Малайзын онгоц сүйрэхэд тэгтлээ хайхраагүй (түй түй, тэр хүмүүс ч бас хэцүү хөөрхий) хэрнээ солонгос хүүхдүүдийг бодохоор бүр элэг зүрх эмтрээд байх юм.

Солонгосын Кёнги аймгийн Ансан хотын Данвон ахлах сургууль. Манайх энэ хотод сүүлийн 3,4 жил нь амьдарсан. Энэ сургуулийн дэргэдүүр зөндөө л явдаг байсан болоод их ойр тусаад байх шиг. Усан онгоцны 69-тэй өвгөн ахмад, "Өөрөө мэдээд хүмүүсийг далай руу гаргах эсэхээ шийд" гэсэн захирамжийг дагачихсан бол... Хүүхдүүдийг хий дэмий далай руу үсрүүлээд аварч амжилгүй тавиад туучихвал гэж хаширласан бололтой юм. Уг нь олон жилийн туршлага, яавал дээр вэ гэдгийг мэдэрсэн баймаар. Харамсалтай, тун эмгэнэлтэй...

1912 оны 4 сарын 15-нд Титаник сүйрч, живсэн гэдэг. 100 гаран жилийн дараа яг энэ өдөр түүх ингэж давтагдах ч гэж. Хөөрхий золгүй хүүхдүүд, амьдарч амжаагүй буцсан тэднийг бурхан ивээг. Rest in Peace. Тэнгэрт тайван нойрсог дээ.

Both sides now - Joni Mitchell

Бороотой жихүүн өдөр.
Бодол илүү сайн төвлөрдгийм шиг санагддаг.
Аль хэдийнээс хойш оролдсон дуугаа арай гэж нэг юм орчууллаа.
Стив Жобсын сонсох дуртай байсан, гүн утга агуулгатай, сэтгэлийн утас хөндсөн гайхалтай дуу. Бас Love Actually дээр гардгаараа алдаршсан /Zoye сануулж өгсөнд баярлалаа. /

Амралтаа хэтрүүлчжээ...

Вийкэндээр сайхан амарлаа. Өнгөрсөн долоо хоногийн стресс, ядаргаа, бухимдлаа бүгдийг нь тайлж чадсан байхаа. Даанч, хэтрүүлээд, хэт relax mode рүү шилжсэнээс болоод, охины гэрийн даалгаврыг таг мартсан бөлгөө. Ойрдоо ер нь хоёулаа хичээл номдоо назгайраад байгааг ч хэлэх үү.
Нэгдэхийн өглөө дэвтэр номыг нь шалгаж, бөөн бөөн алдаа дутагдал илрүүлээд, хичээл амартал зурагт үзэхгүй, савлуур дээрээ суухгүй гэсэн тохиролцоонд хүчээр хүрлээ дээ. Шүлэг хуулан бичих даалгавраа нулимстай холин байж хийгээд үлдсэнийг нь өдөр өнжүүлэх дээрээ амжуулах амлалт аваал явсан даа эвий минь.

Ээж нь өөрөө ажил дээрээ нуман тулгуурт орчихсон, эртээд нэг алдаа гаргачихсан, тэрүүнийгээ засах гээд бөнжигнөж байна.

Inspiration needed...

УРАМ...
Нээх гоё урам зориг бадраам, уушиг зүрх сүгсэлзүүлэм, уншсан хүн нь шууд гарч гүйгээд урьдаа тависан зорилт бүхнээ угсраагаар нь биелүүлчмээр санагдам...тийм гоё юм бичих юм сан :)

My all

7 жилийн өмнөх энэ өдрийг маш сайн санаж байна. Бүтэн сайн өдөр байсан, гэв гэнэт дугуй унамаар санагдаад. Ээж болохгүй гээд унуулдгүй. Үсэрч дэвхцмээр, хаашаа ч хамаагүй дэмий тэнэмээр...80кг хүнд биетэйгээ мартчаад л учиргүй хөнгөн шингэн хүүхэн гадуур баахан алхаж билээ.

Хавар

Хаварт...
Ангир цээжнийхээ цаана
Миний уруулын хээг нуусан
Бүсгүйн үнэр шиг хавар ирлээ
Амьдралд би хавар шиг дуртай
Амьдрах дуртай би
Хаварт би амьдрал шиг дуртай
Хаварт би хайр сэтгэлтэй
Мөнгөн цээжнийхээ цаана
Миний хурууны хээг нуусан
Хавар ирлээ, амьдрал ирлээ
Хаварт би дуртай
Хаварт би хайр дурлалтай.

Б.Эрдэнэсолонго

Би хэн бэ?

Сэтгэл, хайр, бурхан гэж юу вэ?
Юу хүсэхээ би өөрөө хүсэж чадах уу?
Үр хөндөлт моральтай юу?
Хүнийг нас барахад нь дэмжлэг үзүүлж болох уу?
Амьтны махыг идэж болох уу?
Жаргалтай амьдрал гэж юу вэ?
Амьдралын утга учир юунд оршино вэ?

гэх мэт сэтгэл гижигдэм, хариултыг нь олж мэдэхийг хүсэж явдаг асуултуудаар гарчиглагдсан зузаавтар философийн ном. Шалгалтын шипи шиг бүх хариулт нь энд байх юм шиг хөөрцөглөн уншсан миний тэнэгийх л дээ. Мэргэжлийн баг нилээд нухацтай орчуулсан хэдий ч мань мэтийн эгэл хүмүүст наалдацгүй хэцүү ном санагдсан. Уншиж байхдаа тодруулаад орхисон хэсгүүдээс товчлон үлдээв.

Зураггүй тойм

3 сар гарсаар ажилдаа алхаж байгаан. Уг нь 2 сараас эхлий гэж бодсон боловч хүйтний өмнө бууж өгсөөн. 3 сарын хүйтэн ч яггүй байна, өдөр уртсаад, өглөөний нар нүд гялбууланхан, сэтгэл сэргээнхэн мандахад нь хөөрцөглөж хууртагдаад, ингээл дулаарчихлаа гэсэн гэнэн итгэлээр хөнгөн нимгэн гарч алхаад, ажилдаа хүрэхийн алдад өвдөгний шингэн, тархины судас гэх мэт дааруулж болдгүй эд эсээ жиндүүлчихсэн, хацар гуяа чимчигнүүлчихсэн байх юм. Маргааш л... маргааш л яг дулаарах байх гэсэн хүлээлт...

Зурган тойм

Аялж ирээд эрч хүч дүүрэн байгаа байхдаа гэсэн Хамба ламын таамаглал энэ удаа байгаа оносонгүйэ. Цагийн зөрүүг туулж, тив далайг алгасаагүй л юм сан, юундаа ингэж ядраад байгааг мөхөс миний бие үл гадарламой. Юутай ч эсэн мэнд эргэн ирснээ энэ ялдамд тунхаглы даа.

Мартахаасаа өмнө хэдэн тоо бичээтхий.

Филиппиний мөнгө нь Песо, товчлол нь PHP. Пи Эйч Пи шүү гсн :р Доллартай харьцах ханш нь 44.5 хавьцаа багахан хэлбэлздийн байна. Ойрын 10 жилд дээд тал нь 1:400 болсон гэсэн. Атаархмаар байгаа биз. Хэдхэн хоногийн өмнө манайд доллар 1750 байсан, тэгээд би тооцохдоо 1750 хуваах нь 44.5 гээд ойролцоогоор байгаа үнийг нь 40өөр үржүүлээд явчуул ерөнхийдөө дөхөх юм байна гэж сэтгэсийн. Өнөөдөр харсан дахиад баахан уначиж, тэхээр тооцоо гажихнээ. За юу ч гэсэн 40-өөр нь бодоод надтай цуг үржүүлэхийн хүрдээ давтаад явчаарай хүүхдүүдээ.

Сөүлмэйт ин Манила

Ширхэг ч үсгүй, бүр гялтайсан гялалзсан, ялаа хальтарч шумуул уран гулгалт хиймээр мөлчгөр толгойтой хэрнээ эрүү хацраараа багсайсан барвагар сахалтай хүнийг төсөөл дөө. Үс нь байршлаа андуураад ургацымуу, нүүдэл суудал хийгээд эрүү лүүгээ цагаачлаад явцымуу бүүмэд. Өдөржин ийм хүнээр хичээл заалгажийна, 5 мөч тутамд тэр гялгар мөлгөрийн туйл болсон гадаргуунд хүрч үзэхсэн гэсэн гажиг бодлоо дарж ядан тэмцэлдэж байна би. Өөр бас нэг тэмдэглүүштэй юм нь, инээхээр үүсдэг уруулны хажуутлын нугалаас нь юутай сээгсий, ямархан зохицон хорвоо вээ. Тэр нугалааг нь ганцхан илээд үзчмээр. Ер нь би хүнээ байж байгаа гэж үнэн байхаа, энхрий хайрт, эрхэм хүндэт багшаа юугаа ингээл элдвээр бодоод суужийдаг. Тэсэлгүй зургийг нь авсан, гэхдээ эндээ тавьж арай зүрхэлкүй нь. Гай болж өөрөө олоод харчуул төвөг.

Цагаан сар ба хар тамхи

Баяр сайхан болж өнгөрлөө (амны билгээс ашдын билэг) Яг үнэндээ бол ядарлаа, залхлаа бас уйдлаа. Олон жил гадаадад амьдарсны "гайгаар" цагаан сараар баярлах нь бага болж, сэтгэлд ойр санагдахгүй болжээ. Өнгөтэй, гэгээтэй, сайн талуудыг нь олж харахыг хичээсэн, халуун ам бүлээрээ ээж аавындаа бужигнасан мөчүүд сайхан байсаан. 

Банжиг, Төлөвлөгөө, Энерги

Оны эхээр идэвх, эрч хүч огцом ихэсдэг. Тэгээл биелүүлшгүй баахан юм төлөвлөөд, завдахгүй пижигнэж явсаар, оны эцэст эргэн сөхөж харахаасаа ч ичиж нтр ккк. Энэ жил сэтгэл хөдлөлөө дарж, бодитой, шаардлагатай зүйлсээ төлөвлөв. Том том зорилт тавихаас илүү өдөр тутмын хэвшил, хэмнэл, процессыг өөрчлөх жижиг сажиг зүйлсээр бүрдүүлэхийг хичээлээ.

Steve Jobs

Он дамнаж байж уншиж дуусгалаа.

Стив Жобстой уулзаж байх шиг, амьдралынх нь нарийн ширийн, дотоод сэтгэлийн гүн гүнзгий зөрчлийг нь хуваалцаж байх шиг, түүнтэй хамт өдөр хоногийг өнгөрөөж, туулсан замналаар нь цуг алхах мэт санагдлаа.

Шинэ оны мэнд хүргий!

Онгод гээч нь яг юу юм бол, бичих дур хүсэл болон үгс ар араасаа хөврөх тэр мэдрэмж төрөх үест уураг тархинд яг ямар эд эс нь холбогдож химийн ямар бодисууд гормонжоод надад нөлөөлөөд байдгийн бол? Уншиж байгаад тал орхисон номон дээр уг нь байгаа л байхдаа. Яг сайхан төвлөрөх гэхээр юм асуугаад, хаалга тогшоод сарниулчаад байгааг яалтай ч билээ. Хүний уураг тархи multitasking хийж чададгүй, нэгээс нөгөө рүү хэр хурдан шилжиж байна гэдгээс л олон үйлдлийг зэрэг хийдэг үгүй нь тодорхойлогддог гэж тэр номон дээр бичсэн байсан санагдана, би ч бодолдоо гүнзгий умбадаг болохоор нэгээс нөгөө рүүгээ хурдан шилжиж чададгүй байх л даа.

Өнгөрсөн оноо тоймлоодхы, Koyuki шиг сар сараар нь бичвэл зүгээр санагдлаа, тасалдсан ч гэсэн хаана явж байснаа санахад амар.